AQShning sobiq prezidenti Donald Trampning birinchi rafiqasi Ivana Tramp 73 yoshida vafot etdi. Bu haqda Tramp oilasining siyosatchining Truth ijtimoiy tarmog‘idagi sahifasida e’lon qilingan bayonotida aytiladi. ABC News xabariga ko‘ra, u yurak xurujidan vafot etgan. Shifokorlar uning uyiga yordam berish uchun kelgan, biroq ayolni saqlab qolishning iloji bo‘lmagan.
“Ivana Tramp Nyu-Yorkdagi uyida vafot etgan. U betakror hayot kechirgan, ajoyib, go‘zal, aql bovar qilmaydigan ayol edi”, — deyiladi Tramp oilasi bayonotida.
Ivana Tramp 1949-yil 20-fevralda Chexiya Respublikasida (Chexoslovakiya) tug‘ilgan. U chang‘i sporti bo‘yicha instruktor, modelyer, qurilish biznesida loyihalar ustida ishlagan, model sifatida ishlagan va bir nechta kitoblar yozgan. Uning Donald Tramp bilan nikohi 1977-yildan 1992-yilgacha davom etgan. Nikohda ularning uchta farzandi bor edi: Kichik Donald Tramp, Ivanka Tramp, Erik Tramp.
Izoh (0)