O‘zbekistonga 2022-yilning birinchi yarmida Rossiyada qiyin ahvolga tushib qolgan 362 nafar fuqaro qaytarildi. Bu haqda Tashqi mehnat migratsiyasi agentligi xabar berdi.
Agentlikning 2022-yilning olti oyi davomida amalga oshirilgan ishlari bo‘yicha hisobotiga ko‘ra, xorijdan qaytgan 369 ming 566 nafar fuqaroning 262 147 nafari bandligi ta’minlandi. 56 mingdan ortiq fuqaro mehnat organlari tomonidan bandlik xizmatlari ko‘rsatish orqali ish bilan band qilindi, 9 080 nafari kasb va tadbirkorlikka o‘qitildi.
55 nafar fuqaro Rossiya IIVning vaqtinchalik saqlash markazlaridan vatanga qaytarildi.
Agentlik tomonidan 3 816 nafar mehnat migrantiga huquqiy yordam, 82 826 nafar mehnat migrantiga maslahat xizmatilari, 11 078 nafar mehnat migrantiga ijtimoiy yordam, 1 627 nafar mehnat migrantiga moddiy yordam ko‘rsatildi.
Mehnat migrantlarining ish beruvchilar tomonidan to‘lanmay turgan 523 ming dollardan ortiq miqdoridagi ish haqi va pullik kompensatsiyalari undirib berildi.
25 516 nafar mehnat migranti sug‘urta xizmatlaridan foydalandi, 535 nafar mehnat migrantlariga 1 milliard 70 million so‘m miqdorida mikroqarzlar ajratilishi ta’minlandi.
Izoh (0)