Ўзбекистонга 2022 йилнинг биринчи ярмида Россияда қийин аҳволга тушиб қолган 362 нафар фуқаро қайтарилди. Бу ҳақда Ташқи меҳнат миграцияси агентлиги хабар берди.
Агентликнинг 2022 йилнинг олти ойи давомида амалга оширилган ишлари бўйича ҳисоботига кўра, хориждан қайтган 369 минг 566 нафар фуқаронинг 262 147 нафари бандлиги таъминланди. 56 мингдан ортиқ фуқаро меҳнат органлари томонидан бандлик хизматлари кўрсатиш орқали иш билан банд қилинди, 9 080 нафари касб ва тадбиркорликка ўқитилди.
55 нафар фуқаро Россия ИИВнинг вақтинчалик сақлаш марказларидан ватанга қайтарилди.
Агентлик томонидан 3 816 нафар меҳнат мигрантига ҳуқуқий ёрдам, 82 826 нафар меҳнат мигрантига маслаҳат хизматилари, 11 078 нафар меҳнат мигрантига ижтимоий ёрдам, 1 627 нафар меҳнат мигрантига моддий ёрдам кўрсатилди.
Меҳнат мигрантларининг иш берувчилар томонидан тўланмай турган 523 минг доллардан ортиқ миқдоридаги иш ҳақи ва пуллик компенсациялари ундириб берилди.
25 516 нафар меҳнат мигранти суғурта хизматларидан фойдаланди, 535 нафар меҳнат мигрантларига 1 миллиард 70 миллион сўм миқдорида микроқарзлар ажратилиши таъминланди.
Изоҳ (0)