BMT Bosh assambleyasi Shavkat Mirziyoyevning navbatdagi muhim tashabbusini qo‘llab-quvvatladi, deb xabar bermoqda prezident matbuot xizmati.
Qayd etilishicha, tashkilotga a’zo barcha davlatlar O‘zbekiston tomonidan 40 ta mamlakat hammuallifligida ishlab chiqilgan Markaziy va Janubiy Osiyo o‘rtasidagi o‘zaro bog‘liqlikni mustahkamlash to‘g‘risidagi maxsus rezolyutsiyani bir ovozdan ma’qulladi.
Ushbu rezolyutsiyani ishlab chiqish va unda ikki mintaqa muloqotining umumiy yondashuvlari, asosiy prinsiplari va yo‘nalishlarini mustahkamlab qo‘yish tashabbusi Shavkat Mirziyoyev tomonidan 2021-yil iyul oyida o‘tkazilgan “Markaziy va Janubiy Osiyo: mintaqaviy o‘zaro bog‘liqlik. Tahdidlar va imkoniyatlar” mavzusidagi Toshkent konferensiyasida ilgari surilgan.
Shuningdek, hujjatda prezidentning 2022-yilni Iqtisodiy hamkorlik tashkiloti doirasida “O‘zaro bog‘liqlikni mustahkamlash yili” deb e’lon qilish taklifi yuqori baholangan.
Izoh (0)