O‘zbekistondagi akademik litseylarga dastlabki saralash imtihonlarini o‘tkazish grafigi e’lon qilindi

Oliy va o‘rta maxsus ta’lim vazirligi akademik litseylarga dastlabki saralash imtihonlarini o‘tkazish grafigini e’lon qildi.

Unga ko‘ra, litseylarda imtihonlar 13-iyuldan 16-iyulga qadar har kuni 2 smenada o‘tkaziladi.

Abituriyentlar dastlabki saralash imtihoniga kirish ruxsatnomasini 12-iyul kuni soat 15:00 dan boshlab litsey.edu.uz saytidagi shaxsiy kabineti orqali yuklab olishi mumkin.

Shuningdek, imtihonlarga kirish uchun ushbu ruxsatnoma bilan birga abituriyentlar shaxsini tasdiqlovchi hujjatni (tug‘ilganlik guvohnomasi, pasporti yoki ID-kartasini) ham olib borishlari lozim.

Qoraqalpoq davlat universiteti hamda Nukus davlat pedagogika instituti tasarrufidagi akademik litseylarga dastlabki saralash imtihonlarini o‘tkazishning aniq muddatlari qo‘shimcha ravishda e’lon qilinadi.

Saralash imtihonlarini o‘tkazish grafigi bilan quyidagi havola orqali tanishish mumkin.