Toshkent viloyatining Zangiota tumanida voyaga yetmagan qiz zo‘rlab kelingani haqida videomurojaat tarqaldi. Bosh prokuratura holatga yuzasidan jinoyat ishi qo‘zg‘atilganini ma’lum qildi.
Videomurojaatda aytilishicha, 14 yoshli qiz dugonasining 38 yoshli otasi tomonidan 8 oy davomida zo‘rlab kelingan. Agar kimgadir aytsa o‘ldirish bilan qo‘rqitgan.
Bosh prokuratura xabariga ko‘ra, mazkur holat yuzasidan 8-iyul kuni Jinoyat kodeksining 128-moddasi 1-qismi (o‘n olti yoshga to‘lmagan shaxs bilan jinsiy aloqa qilish) bilan jinoyat ishi qo‘zg‘atildi.
Zangiota tumani IIB TB tomonidan tergov harakatlari olib borilmoqda.
Izoh (0)