Toshkentning Yakkasaroy tumanida dorixona boshqaruvchisi 4 milliard so‘mni talon-toroj qilgani aniqlandi. Bu haqda Bosh prokuratura huzuridagi departament xabar berdi.
Departamentning Yakkasaroy tuman bo‘limi tomonidan tadbirkorlik subyektlarining huquqlarini himoya qilish yuzasidan o‘tkazilgan tergovga qadar tekshiruvda, “D.” MCHJga qarashli dorixona boshqaruvchisi T.K. o‘ziga ishonib topshirilgan MCHJga tegishli jami 4 milliard so‘mlik dori vositalari va tibbiyot buyumlarini talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)