8-iyul kuni O‘zbekiston kasaba uyushmalari federatsiyasi Bosh kengashining navbatdagi majlisi bo‘lib o‘tdi. Bu haqda uyushma axborot xizmati xabar qildi.
Qayd etilishicha, videoselektor formatida o‘tkazilgan majlisda Bosh kengash a’zolari, Kasaba uyushmalari federatsiyasi raisi o‘rinbosarlari va apparati mas’ul xodimlari, tarmoq kasaba uyushmalari Respublika kengashlari va federatsiyaning hududiy kengashlari raislari hamda ularning o‘rinbosarlari, tasarrufdagi tashkilotlar rahbarlari ishtirok etgan.
Bosh kengash majlisini federatsiya raisi, senator Qudratilla Rafiqov olib borgan. Unda tashkiliy masala ko‘rilgan.
Zaynilobiddin Nizomiddinov bir ovozdan O‘zbekiston kasaba uyushmalari federatsiyasi raisining birinchi o‘rinbosari lavozimiga saylangan. Avvalroq u salomatligi tufayli Prezident administratsiyasi rahbari lavozimidan ozod etilgandi.
Izoh (0)