Тошкентнинг Яккасарой туманида дорихона бошқарувчиси 4 миллиард сўмни талон-торож қилгани аниқланди. Бу ҳақда Бош прокуратура ҳузуридаги департамент хабар берди.
Департаментнинг Яккасарой туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, «Д.» МЧЖга қарашли дорихона бошқарувчиси Т.К. ўзига ишониб топширилган МЧЖга тегишли жами 4 миллиард сўмлик дори воситалари ва тиббиёт буюмларини талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)