“Mana, komandirning ahvoli, formani xor qildi” — Qashqadaryoda YPX xodimi haydovchi bilan yoqalashgani aks etgan video tarqaldi

Ijtimoiy tarmoqlarda YPX xodimi va haydovchi yoqalashgani aks etgan video tarqaldi. Videoda YPX inspektori va haydovchi mashina salonida yoqalashgan.

Videoda voqea kuzatuvilaridan biri “Mana komandirning ahvoli, bosim o‘tkazyapti”, degan bo‘lsa yana bir esa “komandir yashadi, komandir yashadi”, deydi. Shuningdek, atrofda “komandir formani xor qildi”, deganlar ham bo‘lgan.

Voqea davomida voqeani kuzatib turganlardan biri “tez yordam chaqiringlar bolaning mazasi qochdi”, desa, yana biri YPX inspektori planshetini otib yuborish kerakligini aytadi. Biroq, planshetni olgan fuqaro bunday qilmay, uni YPX inspektoriga qaytarib beradi. Bu paytda esa haydovchi avtomobilini yoqib, ketishga chog‘lanadi. YPX inspektori esa yana u tomonga yaqinlashib, avtomobil kalitini olishga urinadi.

Viloyat IIB axborot xizmati rahbari Javlon Baxtiyev “Daryo”ning bu haqdagi so‘roviga javoban voqea o‘rganilayotganini, tez orada batafsil ma’lumot berilishini ma’lum qildi.