Janubiy Koreya prezidenti KXDR provokatsiyalari yuzaga kelgan taqdirda tezkor harbiy javob qaytarishga chaqirdi

Janubiy Koreya prezidenti Yun Sok Yol armiya, dengiz floti, havo kuchlari va dengiz piyodalari korpusi qo‘mondonlari bilan uchrashuv chog‘ida harbiylarga KXDR tomonidan provokatsiya sodir bo‘lgan taqdirda tezkor javob qaytarishni buyurdi. Bu haqda Yonhap xabar berdi.

“Prezident harbiylarimizga Shimoliy Koreya provokatsiyaga yo‘l qo‘ysa, uni tez va qattiq jazolashni buyurdi”, — deya respublika prezidenti ofisidan iqtibos keltirgan agentlik.

“U harbiylarning missiyasi har qanday holatda ham inson hayoti, mulki, hududi va suverenitetini himoya qilish ekanini ta’kidladi va buning uchun qat’iyatimizni namoyish etish zarurligini aytdi”, — deyiladi bayonotda.

Yun Sok Yol har qanday provokatsiyaga Janubiy Koreya tomonidan AQSH bilan yaqin hamkorlikda kuchli va birdamlik shaklida javob berilishini qayd etgan.

“Prezident Yun Sok Yol Koreya Respublikasi va Shimoli-sharqiy Osiyoda xavfsizlikdagi noaniqlik har qachongidan ham kuchayib borayotgan bir paytda biz mamlakat xavfsizligi va milliy manfaatlarini himoya qilish uchun kuchli mudofaa qobiliyatini ta’minlashimiz kerakligini ta’kidladi”, — deyiladi prezident ma’muriyati bayonotida.

Shu bilan birga, u Pxenyan bilan muloqot uchun eshiklarni ochiq saqlashini aytdi, deya qo‘shimcha qilgan prezident idorasi.