Tadbirkor Alisher Usmonov badiiy gimnastika bo‘yicha murabbiy Irina Viner—Usmonova bilan ajrashish uchun sudga bergan arizasini qaytarib oldi, deb yozmoqda “RIA Novosti”. Sud ishni yopgan.
Tadbirkor 4-may kuni ajrashish to‘g‘risidagi da’vo arizasi bilan chiqqan edi. Ikki hafta o‘tgach, tomonlar vakillari suhbat o‘tkazdi, shundan so‘ng juftlikka yakuniy qaror qabul qilish uchun vaqt berildi.
Ma'lum qilinishicha, juftlik FHDYO orqali ajrashgan. Hech qanday nizoli holat yo‘qligi uchun sudga berilgan da'vo arizasi qaytarib olingan.
Usmonov va Viner 1992-yilda turmush qurgan.
Usmonov Rossiyaning Ukrainadagi bosqini boshlanganidan keyin AQSH, Buyuk Britaniya va Yevropa Ittifoqi tomonidan sanksiyalarga uchradi. Tadbirkor bu davlatlarning qarorini adolatsiz deb atadi va ular uning “sha’ni, qadr-qimmati va ishbilarmonlik obro‘siga” putur yetkazuvchi “soxta va asossiz ayblovlar” qo‘yganini aytdi. May oyida u Yevropa Ittifoqining sanksiyalar ro‘yxatiga kiritilishi yuzasidan shikoyat kiritishga qaror qildi.
Mavzuga doir: Alisher Usmonov va Irina Viner: ilk uchrashuv, 6 yillik hijron va 30 yillik nikohdan keyingi ajrashish tarixi
Izoh (0)