5 июль куни Финляндия ва Швеция НАТОга аъзо бўлиш тўғрисидаги протоколларни имзолади. Украина армияси Лисичанскни тарк этди, энди Украинанинг бутун Луганск вилояти Россия қўшинлари назорати остида. Россия Украина шаҳарларини ўққа тутишда давом этмоқда. Meduza урушнинг 132-кунидан асосий фотосуратларни тақдим этди.
Донбасс шимоли
Светлана турмуш ўртоғи Сергей билан тез ёрдам машинасида. Сергей рус қўшинлари томонидан Славянскнинг оммавий ўққа тутилишидан жароҳат олган. Украина қўшинлари Лисичанскдан олиб чиқиб кетилганидан ва Украинанинг Луганск вилояти Россия назорати остига ўтгандан сўнг, Славянск Россия армиясининг навбатдаги нишонига айланиши мумкин.Фото: Reuters
Светлана Сергей олиб келинган фавқулодда ёрдам бўлими эшигида йиғламоқда.Фото: Reuters
Украина ўт ўчирувчилари Славянск марказий бозоридаги ёнғинни ўчирмоқда. Россиянинг ўққа тутишларидан, маҳаллий ҳокимият маълумотларига кўра, камида икки фуқаро ҳалок бўлган, яна етти нафари яраланган.Фото: AFP
Россия ҳужумидан яраланган славянсклик киши.Фото: Reuters
Украина қўшинлари 4 июль куни шаҳарни тарк этди. Ҳозирда бутун Северодонецк — Лисичанск — Рубижное шаҳар агломерацияси Россия қуролли кучлари томонидан ишғол қилинган.Фото: «ТАСС»
Лисичанскда истиқомат қилувчи киши бино вайроналари олдида илинган чойшабларни олмоқда.Фото: Reuters
Харьков вилояти
Харьковнинг Салтовка туманида Россия ўқларидан кўп қаватли турар жой вайрон бўлди. Шаҳар Белгород томондан ҳам ракета зарбаларига учради.Фото: AP Photo
Украина Қуролли кучлари аскарлари Харьков вилоятидаги окопларни мустаҳкамламоқда.Фото: AFP
Украина ҳарбийлари Харьков вилоятида мудофаа чизиғини қурмоқда.Фото: AFP
Киев вилояти
Ирпен аҳолиси ва қочқинлар черков биносида нон учун навбатда турибди. Киевнинг бу чеккаси Беларусдан пойтахтга қараб ҳаракатланган бир гуруҳ рус қўшинларининг йўлида эди. Ирпен қисман рус армияси томонидан босиб олинган. Шаҳар доимий равишда россияликлар томонидан артиллериядан ўққа тутилган. 28 март куни Ирпен ҳокимияти шаҳар тўлиқ озод қилинганини эълон қилди.Фото: EPA
Бучадаги қирғин қурбонлари хотирасига Ирпен дарёси устидаги вайрон қилинган кўприкда вақтинчалик ёдгорлик ўрнатилди. Киевнинг бу чеккаси рус босқинининг бошидан март ойининг охиригача ишғол остида бўлди. Россия ҳарбийлари Киевдан чекинганидан сўнг, Бучада ўлдирилган маҳаллий аҳолининг жасадлари топилди, уларнинг аксариятида қийноқ излари бор эди. Турли гувоҳлик ва терговлар шуни кўрсатадики, бу қотилликлар Бучани босиб олган пайтда рус ҳарбийлари томонидан содир этилган.Фото: EPA
Изоҳ (0)