“Manchester Yunayted”ni erkin agent sifatida tark etgan Pol Pogba tez orada “Yuventus” futbolchisiga aylanadi.
Yarim himoyachi kelayotgan dam olish kunlari tibbiy ko‘rikdan o‘tadi va turinliklar bilan shartnoma imzolaydi, deya xabar beradi Nikolo Skira.
Fransuz “Yuventus”da 10-raqam ostida harakat qiladi.
Fransiyalik yarim himoyachi 2016-yildan 2022-yilga qadar “qizil iblislar” sharafini himoya qilib kelgan. Mavsum oxirida futbolchi mankunianliklar safini erkin agent sifatida tark etdi.
Polga “Yuventus” qiziqish bildirayotgan bo‘lsa-da, Zidan “PSJ” bosh murabbiyiga aylansa, fransuz Parij klubiga o‘tishni ma’qul ko‘rishi xabar qilingandi. Ammo keyinchalik Pogba “Yuventus” bilan kelishuvga erishgani aytildi.
Izoh (0)