Jasur Yaxshiboyev “Legiya”ni tark etdi. Bu haqda Polsha klubi matbuot xizmati xabar berdi.
Qayd etilishicha, Varshava klubi va Yaxshiboyev shartnomani o‘zaro kelishuvga ko‘ra bekor qilgan.
O‘zbekistonlik yarim himoyachi klubga 2021-yilning fevral oyida borib qo‘shilgan. U asosiy tarkibda bitta o‘yinda maydonga tushgan.
Jasur o‘tgan mavsumni Moldovaning “Sheriff” klubi safida ijarada o‘tkazdi. Futbolchi Yevropa Chempionlar Ligasi guruh bosqichi doirasida o‘tkazilgan o‘yinda “Real” darvozasini ishg‘ol etishga muvaffaq bo‘ldi.
Ma’lumot uchun, Jasur Yaxshiboyev bungacha “Paxtakor” va Belarusning “Shaxtyor” klublari safida ham harakat qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)