“Chelsi” Tomas Tuxelning roziligisiz Krishtianu Ronaldu bilan shartnoma imzolamaydi.
London jamaosi xo‘jayini Todd Boeli Marina Granovskaya va Petr Chex ketganidan so‘ng sport direktor vazifasini ham bajarmoqda va u Tuxel “Chelsi” “Manchester Yunayted” hujumchisiga taklif bilan chiqishini xohlaydimi yoki yo‘qmi, maslahatlashadi. Bu haqida The Telegraph xabar qilmoqda.
Nemis murabbiyi Ronalduning muxlisi ekanligi sir emas. Biroq mutaxass Boeli bilan transferni muhokama qilmagan.
Ba’zi manbalarda Tuxel Toddga Ronalduning shartnomasi borasida ehtiyotkor bo‘lishni maslahat bergan deyiladi. Nemisning asosiy maqsadi uchta himoyachi va “Manchester Siti” vingeri Rahim Sterlingni jamoaga olib kelish.
Tuxelda istalgan transferga taqiq qo‘yish huquqi bor. Boeli murabbiy istamagan futbolchi bilan shartnoma imzolamaydi.
“Chelsi” mankunianliklar ushbu transferga rozi bo‘ladimi-yo‘qmi, bilmaydi. Ronalduning transfer narxi va uning moliyaviy talablari ham noma’lum. “Ko‘klar” Tuxel ushbu transferga ruxsat bergandan so‘ng ushbu ma’lumotlarni ochiqlashga harakat qiladi.
Ronalduning jamoadan ketmoqchiligiga “Manchester Yunayted”ning Chempionlar Ligasida o‘ynamasligi va rahbariyatning transfer bozorida sust harakat qilayotgani sabab qilib ko‘rsatilmoqda.
Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.
Izoh (0)