“Barselona” Gamper Kubogi doirasida Meksikaning “Pumas” jamoasiga qarshi maydonga tushadi.
Jamoalar o‘rtasidagi uchrashuv 7-avgust kuni “Kamp Nou” stadionida bo‘lib o‘tadi.
Kataloniyaliklar o‘z rasmiy saytidagi bayonotida “Roma” ushbu Kubokda ishtirok etishdan bosh tortganidan so‘ng, tayyor raqibni topish qiyin kechganini ta’kidlaydi.
Avvalroq “Milan” Gamper Kubogida “Roma”ning o‘rnini egallashi xabar qilingandi.
Eslatib o‘tamiz, Rimliklar Gamper Kubogida ishtirok etishdan bosh tortgan. “Ko‘k-anorranglilar” buning uchun ulardan kompensatsiya undirmoqchi ekanligi ma’lum bo‘lgandi. Keyinchalik “Roma” “PSJ” prezidentining bosimi tufayli ushbu Kubokda ishtirok etmagani haqida aytilgandi.
Gamper Kubogi har yili o‘tkaziladi, joriy yilgi musobaqa sanoq bo‘yicha 57-si bo‘ladi. 2021-yilda “Barselona” ushbu o‘yin doirasida “Yuventus”ni mag‘lub etgandi (3:0).
Izoh (0)