“Barselona” himoyachisi Xerard Pike va qo‘shiqchi Shakira farzandlarining vasiyligi uchun qattiq kurashishga tayyor.
Avvalroq kolumbiyalik qo‘shiqchi Pike bilan ajrashganidan so‘ng ikki o‘g‘lini Mayamiga olib ketish niyatida ekanligi, futbolchi esa bunga yo‘l qo‘ymoqchi emasligi xabar qilingandi. Sobiq juftlik advokatlar yollagan va sud jarayoniga tayyorgarlik ko‘rmoqda.
Shakira va Pike yaqinda uchrashib, vaziyatni muhokama qilgan. Biroq futbolchi farzandlarining onasi bilan birga AQSHga ketishiga qarshi bo‘lgani qo‘shiqchining jahlini chiqargan. U Xerardning haligacha noma’lum bo‘lgan ba’zi sirlarini oshkor qilish, uning munozarali faoliyati va shaxsiy hayotining tafsilotlarini ochiqlash bilan tahdid qildi.
“U o‘zi birga yashagan erkakni tanimay qolganligini tushundi. U to‘xtab qolish istagida emas”, — deyiladi Marca manbasida.
Shakiraning Barselonani tark etish sabablaridan biri, uning Pike oilasi yonida yashay olmasligidir. Qo‘shiqchi faol harakatlar bilan chora ko‘rishni boshladi.
“Shakira hamma narsaga tayyor. U Pike xiyonat qilishini hech qachon kutmagan. Endi uning atrofidagi odamlar Pike va uning xatti-harakatlari borasida batafsil ma’lumotlar to‘plamoqda.
Hech kimni bu ishga befarq qoldirmaydigan, ba’zi bir syurprizlar mavjud. Ular himoyachini nafaqat oilaviy masalalarda, balki boshqa jihatlarda ham qattiq xafa qiladigan narsalarni biladi”, — deydi manba.
Shakirani yaqindan biladiganlar Pike o‘ziga dushman orttirib olgan deya hisoblamoqda. Futbolchining o‘zi ham obro‘yiga putur yetishi mumkinligini tushunib turibdi.
Iyun oyi boshida 11 yildan beri birga yashab kelayotgan juftlik ajrashishga qaror qilgani ma’lum bo‘lgandi. Qayd etish kerak, ular nikohdan o‘tmagan.
Izoh (0)