«Барселона» ҳимоячиси Херард Пике ва қўшиқчи Шакира фарзандларининг васийлиги учун қаттиқ курашишга тайёр.
Аввалроқ колумбиялик қўшиқчи Пике билан ажрашганидан сўнг икки ўғлини Майамига олиб кетиш ниятида эканлиги, футболчи эса бунга йўл қўймоқчи эмаслиги хабар қилинганди. Собиқ жуфтлик адвокатлар ёллаган ва суд жараёнига тайёргарлик кўрмоқда.
Шакира ва Пике яқинда учрашиб, вазиятни муҳокама қилган. Бироқ футболчи фарзандларининг онаси билан бирга АҚШга кетишига қарши бўлгани қўшиқчининг жаҳлини чиқарган. У Херарднинг ҳалигача номаълум бўлган баъзи сирларини ошкор қилиш, унинг мунозарали фаолияти ва шахсий ҳаётининг тафсилотларини очиқлаш билан таҳдид қилди.
«У ўзи бирга яшаган эркакни танимай қолганлигини тушунди. У тўхтаб қолиш истагида эмас», — дейилади Marca манбасида.
Шакиранинг Барселонани тарк этиш сабабларидан бири, унинг Пике оиласи ёнида яшай олмаслигидир. Қўшиқчи фаол ҳаракатлар билан чора кўришни бошлади.
«Шакира ҳамма нарсага тайёр. У Пике хиёнат қилишини ҳеч қачон кутмаган. Энди унинг атрофидаги одамлар Пике ва унинг хатти-ҳаракатлари борасида батафсил маълумотлар тўпламоқда.
Ҳеч кимни бу ишга бефарқ қолдирмайдиган, баъзи бир сюрпризлар мавжуд. Улар ҳимоячини нафақат оилавий масалаларда, балки бошқа жиҳатларда ҳам қаттиқ хафа қиладиган нарсаларни билади», — дейди манба.
Шакирани яқиндан биладиганлар Пике ўзига душман орттириб олган дея ҳисобламоқда. Футболчининг ўзи ҳам обрўйига путур етиши мумкинлигини тушуниб турибди.
Июнь ойи бошида 11 йилдан бери бирга яшаб келаётган жуфтлик ажрашишга қарор қилгани маълум бўлганди. Қайд этиш керак, улар никоҳдан ўтмаган.
Изоҳ (0)