Kanadaning Viktoriyavill shahrida (Kvebek provinsiyasi) bir erkak ko‘chada o‘tkinchilarga qarata o‘t ochdi, oqibatda besh kishi jabrlandi, deb yozadi “RBK” mahalliy politsiyaga tayanib.
Hodisa 2-iyul kuni kechqurun Notr-Dam-Strit-Ist ko‘chasida yuz bergan, otishmani 36 yoshli erkak sodir etgan. U ko‘chada to‘pponchaga o‘xshagan buyum bilan yurib, undan qo‘rg‘oshin o‘qlar bilan otgan. Bu haqda politsiyaga guvohlar gapirib bergan. Idora vakili Nikol Sholtusning so‘zlariga ko‘ra, erkak tasodifiy o‘tkichilarga yaqinlashib, ularga tahdid qila boshlagan.
Jabrlanuvchilar jiddiy bo‘lmagan jarohatlar olgan, hujum qilgan shaxs allaqachon qo‘lga olingan. 4-iyul kuni inga ayblovlar e’lon qilinadi, sud esa jazo chorasini tanlaydi. Politsiya vakili taxmin qilishicha, erkak qurol qo‘llagan holda hujum qilish va tahdid qilishda ayblanishi mumkin.
Ushbu moddalar bo‘yicha Kanadada o‘n yil va besh yilga ozodlikdan mahrum etilish mumkin.
Avvalroq Kopengagendagi savdo markazida otishma yuz berib, uch kishi halok bo‘lgandi.
Izoh (0)