Italiyada joylashgan Dolomit tog‘laridagi eng baland tog‘ — Marmoladada (2131 metr) muzlik cho‘qqisi vayron bo‘lib qulab tushishi oqibatida olti kishi halok bo‘ldi. Bu haqda Veneto hududi rahbarining fuqarolar himoyasi bo‘yicha maslahatchisiga tayanib, “RBK” xabar bermoqda.
Sayyohlik otryadi Punta-Rokka yuqori stansiyasi yaqinidagi cho‘qqiga oddiy yo‘nalish bilan chiqishi kerak edi, deya ma’lum qildi qutqaruvchilar. Biroq muzlik cho‘qqisi Marmoladadan sinib tushib, qor va tosh aralash ko‘chki bilan birga tepaga chiqayotgan sayyohlar ustiga quladi.
Voqeadan sal avvalroq tog‘da harorat bo‘yicha rekord qayd etilgan, noldan 10 daraja yuqori harorat kuzatilgan edi.
Dastlabki ma’lumotlarga ko‘ra, halok bo‘lganlardan tashqari, yana sakkiz kishi yaralangan, o‘n kishi bedarak yo‘qolgan. Jabrlanganlar vertolyotlarda kasalxonalarga yetkazilmoqda.
Izoh (0)