Италияда жойлашган Доломит тоғларидаги энг баланд тоғ — Мармоладада (2131 метр) музлик чўққиси вайрон бўлиб қулаб тушиши оқибатида олти киши ҳалок бўлди. Бу ҳақда Венето ҳудуди раҳбарининг фуқаролар ҳимояси бўйича маслаҳатчисига таяниб, «РБК» хабар бермоқда.
Сайёҳлик отряди Пунта-Рокка юқори станцияси яқинидаги чўққига оддий йўналиш билан чиқиши керак эди, дея маълум қилди қутқарувчилар. Бироқ музлик чўққиси Мармолададан синиб тушиб, қор ва тош аралаш кўчки билан бирга тепага чиқаётган сайёҳлар устига қулади.
Воқеадан сал аввалроқ тоғда ҳарорат бўйича рекорд қайд этилган, нолдан 10 даража юқори ҳарорат кузатилган эди.
Дастлабки маълумотларга кўра, ҳалок бўлганлардан ташқари, яна саккиз киши яраланган, ўн киши бедарак йўқолган. Жабрланганлар вертолётларда касалхоналарга етказилмоқда.
Изоҳ (0)