Germaniya 30 yil ichida birinchi marta eksportdan ko‘ra ko‘proq import qildi

Germaniya Federal Statistika boshqarmasi (Destatis) ma’lumotlariga ko‘ra, may oyida mamlakat eksporti 125,8 mlrd yevroni tashkil qilgan bo‘lsa, import esa 126,7 mlrd yevroga yetdi.

Shunday qilib, oy oxiriga kelib deyarli 1 mlrd yevrolik savdo kamomadi shakllandi. Bu Germaniyada 1991-yildan beri birinchi marta yuz berdi.

Ma’lumotlariga ko‘ra, Ukrainadagi vaziyat hali ham Germaniya iqtisodiyotiga sezilarli ta’sir ko‘rsatmoqda. 

Biroq, Rossiyaga qarshi kiritilgan sanksiyalarga qaramay, Germaniyaning Rossiyaga eksporti qisman tiklandi. 

Mart oyida 62,3 foiz va aprel oyida yana 9,9 foiz pasayganidan so‘ng, may oyida Germaniyaning Rossiyaga eksporti 29,4 foizga oshdi. 

Biroq, bir yil oldin nemis tovarlarini import qiluvchi mamlakatlar ro‘yxatida 14-o‘rinni egallagan Rossiya endi 25-o‘ringa tushib ketdi.

Avvalroq Germaniyada transport uchun imtiyozlar narxlar oshishini sekinlashtirgani haqida xabar berilgan edi.