Германия Федерал Статистика бошқармаси (Destatis) маълумотларига кўра, май ойида мамлакат экспорти 125,8 млрд еврони ташкил қилган бўлса, импорт эса 126,7 млрд еврога етди.
Шундай қилиб, ой охирига келиб деярли 1 млрд евролик савдо камомади шаклланди. Бу Германияда 1991 йилдан бери биринчи марта юз берди.
Маълумотларига кўра, Украинадаги вазият ҳали ҳам Германия иқтисодиётига сезиларли таъсир кўрсатмоқда.
Бироқ, Россияга қарши киритилган санкцияларга қарамай, Германиянинг Россияга экспорти қисман тикланди.
Март ойида 62,3 фоиз ва апрель ойида яна 9,9 фоиз пасайганидан сўнг, май ойида Германиянинг Россияга экспорти 29,4 фоизга ошди.
Бироқ, бир йил олдин немис товарларини импорт қилувчи мамлакатлар рўйхатида 14-ўринни эгаллаган Россия энди 25-ўринга тушиб кетди.
Аввалроқ Германияда транспорт учун имтиёзлар нархлар ошишини секинлаштиргани ҳақида хабар берилган эди.
Изоҳ (0)