Ko‘plab yirik iqtisodiyotli davlatlar kelasi yilda retsessiyaga uchrashi kutilmoqda

Yevropa Ittifoqi, Buyuk Britaniya, Yaponiya, Janubiy Koreya, Avstraliya, Kanada va AQSH kelgusi yilda retsessiyaga tushishi kutilmoqda. Bu haqda Bloomberg xabar berdi.

Jahon iqtisodiyoti o‘sishning sinxron sekinlashuviga o‘tayotganining belgilari ko‘paymoqda. Masalan, mamlakatlar endi o‘sish uchun eksportning tiklanishiga tayanmaydi.

Shu bilan birga, yuqori inflyatsiya saqlanib qolishi mumkin, chunki narx bosimi tovarlardan tashqari xizmatlar, ijara va ish haqiga ham taalluqli.

Inqirozning og‘ir kelishi mamlakatlarda farq qiladi. AQSHda joriy yilning oxirgi choragidan boshlab besh choraklik sayoz, ammo uzoq davom etadigan retsessiyani prognoz qilmoqda.

Iqtisodchilarning ta’kidlashicha, Rossiya Yevropaga gazni butunlay uzib qo‘ysa, Yevropada iqtisodiy inqiroz yanada kuchliroq bo‘lishi mumkin.

2023-yilda AQSH va Yevropa Ittifoqi iqtisodiyoti 1 foizga qisqarishi taxmin qilinmoqda.

Avstraliya, Kanada va Janubiy Koreya kabi davlatlarda, agar foiz stavkalarining o‘sishi uy-joy inqiroziga sabab bo‘lsa, taxmin qilinayotganidan ham chuqurroq retsessiya xavfi mavjud.

Xitoy bundan mustasno, chunki uning iqtisodi qulay siyosat bilan tiklanadi, ammo Pekin o‘zining nol COVID strategiyasiga sodiq qolsa, yangi lokdaunlar xavfi ostida qolishi mumkin.

Avvalroq Yevropa asosiy stavkani oshirmasa, yanada og‘ir iqtisodiy zarar ko‘rishi mumkinligi haqida xabar berilgandi.