Yevropada inflyatsiya yana bir rekord o‘rnatish arafasida turibdi, iqtisodchilar iyun oyi uchun yillik 8,5 foiz inflyatsiyani prognoz qilmoqda.
Bu esa Yevropa Markaziy bankini o‘n yildan ortiq vaqtdan beri birinchi marta foiz stavkasini oshirishiga undashi mumkin.
Bloomberg nashri Yevropadagi inflyatsiyani tahlil qildi.
Gaz tashvishlari
Germaniyaning qish uchun gaz ta’minotini ta’minlashi juda qiyin bo‘ladi. Hukumat gaz uchun yuqori narxlarni to‘lashga tayyorligi sabab hanuzgacha gaz omborlari to‘ldirilmoqda.
Gaz omborlari taxminan 60 foizga to‘lgan va qishki isitish mavsumi uchun 90 foizdan oshishi kerak, — deydi Germaniya Iqtisodiyot vaziri Robert Xabek.
Yevropa Markaziy banki kreditorlardan Rossiya gazini yetkazib berishning potensial to‘xtatilishining iqtisodiy zararini hisobga olishni so‘ramoqda.
Biz banklarga o‘zlarining kapital trayektoriyalarini yanada salbiy ssenariy, shu jumladan, potensial gaz embargosi yoki resessiya ostida qayta hisoblashni taklif qilamiz, — deydi Markaziy bank kuzatuv kengashi rahbari Andrea Enria.
Qo‘shma qarz
Yevropa Ittifoqi Rossiyaning Ukrainaga bostirib kirishi oqibatlari va kuchayib borayotgan ichki favqulodda vaziyatlar va global inqirozlarga qarshi turish uchun ko‘proq resurslarni izlashi kerak.
Variantlar orasida ittifoqning COVID-19 pandemiyasiga qarshi javobiga o‘xshash yangi qo‘shma qarz olish sxemasi yoki ishonch fondini tashkil etish kiradi.
Blok o‘zining 20 mlrd yevrolik rejasiga Rossiyaning qazib olinadigan yoqilg‘idan voz kechishni moliyalashtirish bo‘yicha o‘zgartirishlar kiritishni taklif qildi.
Bu esa a’zo davlatlarning uglerod bozoriga asoslangan vositadan mablag‘lar taqsimlanishi haqidagi xavotirlarini yumshatadi.
Fransiya esa mamlakatlarga pulni taqsimlashning yangi usulini taklif qilmoqda.
Yangi Zelandiya kelishuvi
30-iyun kuni Yevropa Ittifoqi va Yangi Zelandiya o‘rtasida to‘rt yil davom etgan savdo bitimi imzolandi.
Bu esa vino va shokolad kabi keng turdagi mahsulotlar uchun tariflarni bekor qildi.
O‘zaro tovar ayirboshlash hajmi yiliga 30 foizga yoki 4,5 mlrd yevroga oshishi mumkin. Raqamlar Yevropa Ittfioqi uchun ayni muddaodir.
Avvalroq Shri-Lanka iqtisodiyoti giperinflyatsiya holatiga kirgani haqida xabar berilgandi.
Izoh (0)