Yevropa Ittifoqi Rossiya oltinining eksportiga cheklovlar tayyorlamoqda, bu Rossiyaga qarshi sanksiyalarning yettinchi paketiga kiritiladi. Bu haqda manbalarga tayanib, Bloomberg xabar berdi.
Nashrning qayd etishicha, Rossiya oltiniga cheklovlar G7 mamlakatlari qaroriga muvofiq qabul qilinadi.
Shuningdek, Bloomberg xabariga ko‘ra, yangi sanksiyalar paketida Yevropa Ittifoqi Litvaning Kaliningradga tranzitga qo‘ygan cheklovlari munosabati bilan tranzit qoidalariga oydinlik kiritadi.
Nashr suhbatdoshlaridan birining so‘zlariga ko‘ra, Yevropa Ittifoqi Litvaga qo‘yilgan cheklovlar tufayli bosim o‘tkaza boshlashi mumkinligidan xavfsiramoqda.
Yevropa Ittifoqi Rossiya bilan keskinlikni yumshatish uchun tranzit cheklovlarini yengillashtirishi mumkin. Bundan tashqari mavjud savdo cheklovlari kengaytirilishi mumkin.
Avvalroq AQSH Rossiyadan oltin importini taqiqlagan edi.
Izoh (0)