2022-yilning besh oyida O‘zbekiston 1,3 milliard dollarlik oziq-ovqat mahsulotlari import qildi. Bu haqda “Daryo”ga Davlat statistika qo‘mitasi hisobotidan ma’lum bo‘ldi.
Rossiyaning Ukrainada urushi boshlanganidan beri O‘zbekiston oziq-ovqat importini keskin oshirdi. Taqqoslash uchun, o‘tgan yilning shu davrida u 980,5 million dollarni tashkil qilgan edi.
Oziq-ovqat xavfsizligiga tahdid solmaslik uchun import uchun bojxona to‘lovlari kamaytirildi yoki bekor qilindi.
Asosiy oziq-ovqat yetkazib beruvchisi Qozog‘iston bo‘lsa, ikkinchi o‘rinda Rossiya, uchinchi esa Braziliya.
O‘zbekiston Braziliyadan asosan xom shakarqamish, qoramol go‘shti va qahva sotib oladi.
Shakarqamish
Shakarqamish jahon shakar ishlab chiqarishining, taxminan, 65 foizida ishlatiladi.
Qand lavlagidan ko‘ra ko‘proq shakar ishlab chiqaradigan shakarqamish ko‘plab mamlakatlarning asosiy eksport mahsulotlaridan biridir.
Eng yirik ishlab chiqaruvchilar Braziliya (734 million tonna), Hindiston (342,4 million tonna) va Xitoy (115,1 million tonna).
O‘zbekiston Ukraina va Rossiya shakarisiz qolgani haqida xabar berilgan edi. Bu fonda mamlakatda mahalliy shakar ishlab chiqarish ortib bormoqda – O‘zbekistonda ikkita zavod bor, biroq ular xomashyoga muhtoj.
Qahva
O‘zbekiston qahvani deyarli har doim Braziliyadan sotib olgan. Joriy yilda hajmlar 95,9 foizga oshib, 510,8 ming dollarni tashkil qildi.
Go‘sht
Braziliya dunyodagi eng yirik mol go‘shti eksportchilaridan biri, ammo O‘zbekiston undan go‘shtini nisbatan yaqinda sotib olishni boshladi.
Masalan, joriy yilda 5,4 million dollarlik go‘sht import qilingan bo‘lsa, o‘tgan yilning shu davrida 0 bo‘lgan.
Hajmlarning keskin oshishiga qaramay,O‘zbekistonga go‘shtning asosiy yetkazib beruvchisi sifatida Belarus bo‘lib qolmoqda — 44,8 million dollar.
Avvalroq bir davlat O‘zbekistonni deyarli barcha import bananlar bilan ta’minlashi haqida xabar berilgan edi.
Izoh (0)