Rossiya bir asrdan beri birinchi marta xorijiy valyutadagi qarzi bo‘yicha defoltga uchradi. Bu haqda Bloomberg xabar berdi.
Mamlakat bir necha oy davomida sanksiyalardan himoyalanishga harakat qildi. Ammo 27-may sanasida 100 mln dollarga yaqin foizli to‘lovlar bo‘yicha imtiyozli davr tugadi, bu esa defolt hodisasi hisoblanadi.
Bu Rossiyaning iqtisodiy, moliyaviy va siyosiy jihatdan chetlangan davlatga aylanib qolishning belgisidir.
Iqtisodiyot va bozorlarga yetkazilgan zararni hisobga olsak, defolt hozircha faqat ramziy ma’noga ega. Bu kuchayayotgan inflyatsiyaga va so‘nggi yillardagi eng yomon iqtisodiy inqirozga duch kelgan rossiyaliklar uchun unchalik ahamiyatga ega emas.
Rossiya har qanday qarzini to‘lash uchun mablag‘i bo‘lsa-da, to‘lovni amalga oshira olmadi.
Keyinroq sanksiyalar tufayli tushib qolgan vaziyatini “fors-major” deb topib, o‘zining 40 mlrd dollarlik suveren qarzini rublda to‘lashini e’lon qildi.
Defolt bo‘yicha rasmiy deklaratsiya odatda reyting agentliklaridan keladi, biroq Yevropa sanksiyalari ularni Rossiya korxonalari reytingini bekor qilishiga sabab bo‘ldi.
Yakuniy muddat tugashi bilan, asosiy e’tibor investorlarning keyingi harakatlariga qaratiladi.
Ular zudlik bilan bir qarorga kelishi shart emas. Sanksiyalar yumshatiladi degan umidda urush bilan bog‘liq vaziyatni kuzatishni tanlashi mumkin.
Vaqt ular tomonda: obligatsiya hujjatlariga ko‘ra, da’volar faqat to‘lov sanasidan boshlab uch yil o‘tgach o‘z kuchini yo‘qotadi.
Tokiodagi Nomura tadqiqot instituti iqtisodchisi Takahide Kiuchiga ko‘ra, obligatsiya egalarining katta qismi kutishni afzal ko‘radi.
Avvalroq vaziyat shunga ishora qilayotgan bo‘lsa ham Rossiya defoltni inkor etayotgani haqida xabar berilgandi.
Izoh (0)