O‘zbekiston Milliy teleradiokompaniyasi raisining birinchi o‘rinbosari Farhod Mahmudov vafot etdi. Bu haqda jurnalist Aziza Qurbonova o‘zining Telegram kanali orqali ma’lum qildi.
Farhod Mahmudov 1973-yil Toshkent viloyati Chinoz tumanida tug‘ilgan. U 1996-yil Toshkent davlat universitetini tamomlagan. Ma’lumoti bo‘yicha mutaxassisligi jurnalist. 2008-yil “Mehnat shuhrati” ordeni, 2018-yilda “O‘zbekistonda xizmat ko‘rsatgan jurnalist” faxriy unvoni bilan taqdirlangan.
Farhod Mahmudov 1995-yildan buyon O‘zMTRK tizimida turli lavozimlarda faoliyat ko‘rsatgan. 2020-yilning iyulda O‘zbekiston Milliy teleradiokompaniyasi raisining birinchi o‘rinbosari lavozimiga tayinlangan edi. Mazkur tayinlovga qadar Farhod Mahmudov 2019-yilning sentabr oyidan buyon O‘zbekiston Prezident administratsiyasi rahbari o‘rinbosari lavozimida ishlab kelayotgandi.
Izoh (0)