“O‘zgidromet” anomal issiq hafta oxirigacha saqlanib qolishini ma’lum qildi

“O‘zgidromet” 1-iyulgacha qanday ob-havo kutilayotganini ma’lum qildi.

Unga ko‘ra, ushbu haftada iqlimiy qiymatlardan 5-7 darajaga yuqori bo‘lgan havo harorati bilan anomal issiq ob-havo saqlanib turadi. Kechalari 23-26 daraja, kunduz kunlari 39-42 daraja, respublika janubida va cho‘l hududlarida 43-45 daraja bo‘ladi.

Faqat juma kuni issiq biroz pasayadi. Respublika hududining katta qismida harorat 37-40 daraja atrofida bo‘ladi, janubiy hududlarda 43-45 daraja atrofida bo‘lgan juda yuqori harorat saqlanib turadi.

Respubliknaing ayrim hududlarida shamol 15-20 metr/sekundgacha kuchayishi, ba‘zi joylarda chang-to‘zonlari kuzatilishi mumkin.

27-iyun kuni ayrim tog‘li hududlarda sel-suv toshqin hodisalari yuzaga kelishi mumkin.