Instagram: Turmushi jar yoqasida turgan Muqaddas Sa’dullayeva, Dilfuza Ismoilovaga Mercedes sovg‘a qilishdi, Izzat Shukurovning nikoh oqshomidan reportaj

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Sevara Nazarxon tabassum atrofdagi barcha narsalarni o‘zgartirishi haqida mulohaza yuritdi.

27-iyun kuni xonanda Tojivoy Shukurovning o‘g‘li, nashidalar ijrochisi Izzat Shukurov Robiyaxom ismli qiz bilan turmush qurdi.

Zarina Nizomiddinova to‘ng‘ich o‘g‘li Temurxon Sodiqov bilan tushgan suratini sahifasiga joyladi.

Shohruxxon “Ey yor” qo‘shig‘i klipi uchun uning obrazi ikki oy mobaynida yaratilgani aks etgan videoni sahifasiga joyladi. Xonanda ushbu klipda baqaloq yigit obrazini gavdalantirgan.

Gulsanam Mamazoitova akasi Otabek Muhammadzohidni o‘g‘il nabirali bo‘lgani bilan tabrikladi.

Boshlovchi Zara Shirinova Hyundai Santa Fe avtomobilini xarid qildi hamda xursandchiligini kuzatuvchilari bilan bo‘lishdi.

Bollivudning yulduzli juftligi Ranbir Kapur va Aliya Bhatt yaqinda ota-ona bo‘lishini muxlislariga ma’lum qildi.

Jambul Muhammedov “Oh, bu kabutar” qo‘shig‘ini mahorat bilan ijro etgan jajji muxlisiga qimmatbaho sovg‘alar topshirdi.

Munisa Rizayeva turmush qurish va baxtli bo‘lish uchun ideal inson bo‘lish shart emas, deb hisoblaydi.

Asal Shodiyeva ancha kattalashib qolgan qornini ko‘rsatib, Stories suratga oldi hamda “Qo‘rqmang, hayotda emas, kinoda farzand kutyapman”, — dedi.

Lola Ahmedova Istanbul shahrida “Mendirman Jaloliddin” serialida suratga tushayotgan aktyorlar bilan uchrashdi.

Aktrisa Muqaddas Sa’dullayeva qaynonasining tug‘ilgan kuni munosabati bilan yozgan tabrigida Yigitali Mamajonov bilan turmushi jar yoqasida ekanligini bildirib qo‘ydi. U qaynonasini tug‘ilgan kuni bilan tabriklar ekan, “Hayotning davomi qanday bo‘lishidan qat’i nazar, doim bizning oyijonimizsiz. Nabiralaringiz baxt-u kamolini ko‘rib yuring”, deb yozdi. Muqaddasning muxlislari uning ajrashayotganini taxmin qilmoqda. Ayni paytda Yigitali va Muqaddas bir-birining Instagram sahifasini kuzatishni ham to‘xtatgan.

Xonanda Dilfuza Ismoilovaga dugonasi Mercedes-Benz GLS-Class 2019 avtomobilini sovg‘a qildi. Bunday avtomobilning O‘zbekistondagi narxi 127 ming dollardan boshlanadi.

Instabloger Kamola Oripova qiz farzandli bo‘ldi. Chaqaloqni tug‘uruqxonadan olib chiqish marosimida o‘zbek estradasi yulduzlari jam bo‘ldi.