50 yoshdan keyin mashhur bo‘lgan va orzuga erishish uchun hech qachon kech emasligini isbotlagan yulduzlar (foto)

Gollivudning eng mashhur aktrisa va aktyorlarning filmografiyasiga nazar tashlaydigan bo‘lsak, ularni mashhur qilgan rollarni biz o‘ylagandan biroz kechroq olganiga guvoh bo‘lamiz. Yoshlarda kuch va ehtiros bor, lekin ba’zida shedevr yaratish tajriba va yetuklikni talab qiladi, bu esa faqat yoshga bog‘liq.

Betti Uayt

Ko‘pchilikning qalbidan joy olgan aktrisa 40 yoshdan oshganida kino olamiga kirib kelgan. Ammo haqiqiy shon-shuhrat aktrisaga 1973-yilda, u “Meri Tayler Mur shousi”da Syu Enn Nivens rolini o‘ynashga taklif qilinganida keldi. U o‘sha paytda 51 yoshda bo‘lib, 4 yil davomida shouda ishtirok etadi.

Kristof Valts

Avstriyalik aktyor 20 yoshdan boshlab aktyorlik faoliyatini boshlagan. Ammo 30 yil o‘tib, 53 yoshida u karyerasida burilish yasagan rolga ega bo‘ldi. U Kventin Tarantinoning filmida Xans Landa rolini o‘ynadi.

Ushbu rol tufayli u 2010-yilda eng yaxshi ikkinchi plandagi erkak roli uchun Akademiya mukofotini qo‘lga kiritdi. Shundan keyin Valts yana bir nechta muvaffaqiyatli filmlarda rol o‘ynadi.

Helen Mirren

Bir necha o‘n yillar davomida Helen Mirren Britaniyada mashhur aktrisa hisoblanadi. Ammo dunyo miqyosidagi shuhrat unga 50 yoshida keldi: Mirren “Qirol Georgning jinniligi” filmidagi roli uchun “Oskar” mukofotiga “Eng yaxshi ikkinchi plandagi aktrisa” nominatsiyasida nomzod bo‘ldi. Shundan keyin uning muvaffaqiyatli rollari ko‘paydi: 61 yoshida u xuddi shu nomdagi filmda malika rolini o‘ynadi va keyingi yili “Eng yaxshi aktrisa” nominatsiyasida “Oskar”ga sazovor bo‘ldi.

Jon Mahoni

Jon Mahoni ko‘p yillardan beri teatr aktyori bo‘lib, 42 yoshida film va teleko‘rsatuvlarda rol o‘ynay boshladi. Mahoni 53 yoshida o‘zining eng mashhur rolini qo‘lga kiritdi: u mashhur “Freyzer” sitkomida bosh qahramonning otasi Martin Kreynni o‘ynadi.

Jeyn Linch

Yillar davomida Jeyn Linch turli filmlarda rol o‘ynaganiga qaramay, unga haqiqiy shon-shuhrat keltirgan “Xor” musiqiy seriali edi. U Syu Silvestr ismli quvnoq murabbiy rolini o‘ynaydi va bu roli uchun komedik serialidagi eng yaxshi ikkinchi darajali aktrisa uchun “Emmi” mukofotiga sazovor bo‘ladi. O‘sha paytda aktrisa 50 yoshda edi.

Judi Dench

87 yoshli Judi Dench Buyuk Britaniyaning eng yaxshi aktrisalaridan biri hisoblanadi. U o‘z faoliyatini sahnada qo‘shiq kuylashdan boshlagan, keyin esa kino va televideniyega o‘tgan. Yulduz o‘zining eng mashhur rolini 1995-yilda Jeyms Bond haqidagi “Oltin ko‘z” filmida M qahramonini gavdalantirgan. O‘sha paytda u 61 yoshda edi. Shundan so‘ng u yana bir nechta Jeyms Bond filmlarida suratga tushadi va bu uning tomoshabinlar orasida mashhurligini oshiradi.