Instagram: Турмуши жар ёқасида турган Муқаддас Саъдуллаева, Дилфуза Исмоиловага Mercedes совға қилишди, Иззат Шукуровнинг никоҳ оқшомидан репортаж

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Севара Назархон табассум атрофдаги барча нарсаларни ўзгартириши ҳақида мулоҳаза юритди.

27 июнь куни хонанда Тоживой Шукуровнинг ўғли, нашидалар ижрочиси Иззат Шукуров Робияхом исмли қиз билан турмуш қурди.

Зарина Низомиддинова тўнғич ўғли Темурхон Содиқов билан тушган суратини саҳифасига жойлади.

Шоҳруххон «Эй ёр» қўшиғи клипи учун унинг образи икки ой мобайнида яратилгани акс этган видеони саҳифасига жойлади. Хонанда ушбу клипда бақалоқ йигит образини гавдалантирган.

Гулсанам Мамазоитова акаси Отабек Муҳаммадзоҳидни ўғил набирали бўлгани билан табриклади.

Бошловчи Зара Ширинова Hyundai Santa Fe автомобилини харид қилди ҳамда хурсандчилигини кузатувчилари билан бўлишди.

Болливуднинг юлдузли жуфтлиги Ранбир Капур ва Алия Бҳатт яқинда ота-она бўлишини мухлисларига маълум қилди.

Жамбул Муҳаммедов «Оҳ, бу кабутар» қўшиғини маҳорат билан ижро этган жажжи мухлисига қимматбаҳо совғалар топширди.

Муниса Ризаева турмуш қуриш ва бахтли бўлиш учун идеал инсон бўлиш шарт эмас, деб ҳисоблайди.

Асал Шодиева анча катталашиб қолган қорнини кўрсатиб, Stories суратга олди ҳамда «Қўрқманг, ҳаётда эмас, кинода фарзанд кутяпман», — деди.

Лола Аҳмедова Истанбул шаҳрида «Мендирман Жалолиддин» сериалида суратга тушаётган актёрлар билан учрашди.

Актриса Муқаддас Саъдуллаева қайнонасининг туғилган куни муносабати билан ёзган табригида Йигитали Мамажонов билан турмуши жар ёқасида эканлигини билдириб қўйди. У қайнонасини туғилган куни билан табриклар экан, «Ҳаётнинг давоми қандай бўлишидан қатъи назар, доим бизнинг ойижонимизсиз. Набираларингиз бахт-у камолини кўриб юринг», деб ёзди. Муқаддаснинг мухлислари унинг ажрашаётганини тахмин қилмоқда. Айни пайтда Йигитали ва Муқаддас бир-бирининг Instagram саҳифасини кузатишни ҳам тўхтатган.

Хонанда Дилфуза Исмоиловага дугонаси Mercedes-Benz GLS-Class 2019 автомобилини совға қилди. Бундай автомобилнинг Ўзбекистондаги нархи 127 минг доллардан бошланади.

Инстаблогер Камола Орипова қиз фарзандли бўлди. Чақалоқни туғуруқхонадан олиб чиқиш маросимида ўзбек эстрадаси юлдузлари жам бўлди.