Hech o‘ylab ko‘rganmisiz, nima uchun filmlarda maktab o‘quvchilari yoshiga nisbatan katta ko‘rinadi? Ma’lum bo‘lishicha, ko‘plab aktyorlar haqiqiy yoshlariga mos bo‘lmagan o‘smirlar rolini o‘ynashni xohlaydi.
Shirli Xenderson — “Garri Potter va tilsim xona”
“Garri Potter”dagi yig‘loqi qiz Mirtl esingizdami? Suratga olish paytida 37 yoshda bo‘lgan Shirli Xenderson 13 yoshli sehrgarlar maktab o‘quvchisini o‘ynagan.
Leonardo Di Kaprio — “Tutqich bermas firibgar”
“Tutqich bermas firibgar” filmida Leo o‘ynagan bosh qahramon endigina 16 yoshga to‘lgan o‘smir edi. Premyera vaqtida aktyorning o‘zi 28 yoshda bo‘lgan.
Boris Korchevnikov — “Kadetlik”
Bir vaqtlar janjalkash boshlovchi rossiyalik o‘quvchilarining haqiqiy sevimlisi edi: uning Suvorov maktabining o‘quvchisi, 14 yoshli kursant Sinitsin roli tezda yosh qizlarning qalbidan joy oldi. O‘sha paytda aktyor 24 yoshda edi.
Maykl Jey Foks — “Kelajakka qaytib”
“Kelajakka qaytib” trilogiyasining bosh qahramoni 17 yoshli o‘smir Marti Makflaydir. Ammo so‘nggi filmning oxiriga kelib, aktyorning haqiqiy yoshi va uning xarakteri o‘rtasidagi farq o‘n yildan oshib ketadi. Uchinchi qism premyerasi paytida Jey Foks 29 yoshda edi.
Ravshana Kurkova — “Barvixa”
Go‘zal Ravshana mashhur “Barvixa” teleserialida maktab o‘quvchisini o‘ynagan, ammo aktrisaning o‘zi allaqachon maktabni bitirgan edi — suratga olish paytida Kurkova 29 yoshda bo‘lgan.
Tobi Maguayr — “O‘rgimchak odam”
Maktab o‘quvchisi rolini o‘ynagan yana bir kelishgan yigit: 17 yoshli o‘rgimchak odam rolini ijro etgan Tobi o‘sha paytda 30 yoshda bo‘lgan.
Jeyson Erlz — “Xanna Montana”
Jeyson Erlz qarimaydigan aktyorlar reytingida faxrli birinchi o‘rinni egallaydi: 34 yoshli yigit yaqinda 16 yoshga to‘lgan yosh maktab o‘quvchisi rolini o‘ynadi.
Gabriel Karteriz — “Beverli Hillz 90210”
90-yillarning mashhur seriali qahramoni — Andrea sujetda 16 yoshda deb tasvirlangan. Ammo o‘sha vaqtda aktrisaning o‘zi 30 yoshini nishonlashga tayyorgarlik ko‘rayotgan edi.
Mavzuga doir:
- “Avatar”, “Dyuna” va o‘zga sayyoralardagi hayot haqida hikoya qiluvchi eng yaxshi filmlar
- “Titanik”ning yangilangan versiyasi kinoteatrlarga 2023-yilda chiqadi
- “Kelajakka qaytib” yulduzi Maykl Jey Foks Parkinson kasalligiga qarshi kurashdagi xizmatlari uchun faxriy “Oskar” mukofoti bilan taqdirlanadi
Izoh (0)