Филиппин денгизи тубида энг чуқур масофага чўкиб кетган кема топилди. Бу ҳақда америкалик тадқиқотчи Виктор Весково маълум қилди.
Иккинчи жаҳон уруши даврида АҚШ Ҳарбий-денгиз кучларининг эсминеци бўлган Sammy B. 1944 йил октябрь ойида Самар ороли яқинидаги Лейте кўрфазида бўлиб ўтган энг йирик денгиз жанги пайтида япон флоти томонидан чўктирилган.
«Эхолокация бўйича мутахассис Жереми Моризе билан биргаликда мен Limiting Factor сувости аппаратини Samuel B. Roberts кемаси (DE 413) томон тушириб юбордим. Улар 6895 метр чуқурликда, бу шу пайтга қадар ўрганилган энг чуқурга чўккан кемадир», — деб ёзди Весково ўзининг Twitter саҳифасида.
Тадқиқотчининг таъкидлашича, кеманинг бурун қисми бироз шаклини йўқотган, кема денгиз тубига урилганда унинг орқа қисми тахминан беш метрга ажралган, бироқ эсминец ўз яхлитлигини сақлаб қолган.
Изоҳ (0)