Kiyevda ko‘pqavatli bino o‘qqa tutildi. “Azot” zavodidan tinch aholi evakuatsiya qilindi. Urushning 123-kunidan fotoreportaj
26-iyun kuni Kiyevdagi turar joy binosiga rus raketasi kelib tushdi — bir kishi halok bo‘ldi, olti kishi yaralandi; Ular orasida Rossiya fuqarosi va uning yetti yoshli qizi ham bor. Severodonetskdagi “Azot” zavodidan tinch aholi evakuatsiya qilinmoqda. Ukraina harbiy razvedkasi Rossiya Belarusda yana harbiy ishtirokini kuchaytirayotganini ma’lum qildi. Rossiya qo‘shinlari tomonidan bosib olingan Xerson viloyatining Kaxovka shahrida “yangi ma’muriyat” amaldorlaridan birining hayotiga suiqasd uyushtirildi. Uning mashinasi yonib ketgan, ayolning o‘zi jabrlanmagan. Rossiya mudofaa vaziri Sergey Shoygu urush boshlanganidan beri birinchi marta Rossiya qo‘shinlarining Ukrainadagi pozitsiyalarini tekshirdi. Meduza urushning 123-kuniga oid suratlarni taqdim etdi.
Kiyev
Rossiya aviazarbalaridan keyin Kiyevning Shevchenkovskiy tumani osmoniga ko‘tarilgan tutun. Raketalardan biri ko‘pqavatli turar joy binosiga kelib tushdi — oqibatda binoning yuqoridagi uch qavati qisman vayron bo‘ldi.Foto: EPA
Qutqaruvchilar Kiyevning Shevchenko tumanidagi vayron bo‘lgan uydan bir kishini evakuatsiya qilmoqda. Aviazarba oqibatida bir kishi halok bo‘ldi, olti kishi yaralandi. Jabrlanganlar orasida Rossiya fuqarosi va uning yetti yoshli qizi ham bor.Foto: Reuters
Kiyevga qilingan hujumda yaralangan yigit. “Strana.UA” nashrining qayd etishicha, vayron qilingan uy yonida “Artem” harbiy zavodi joylashgan — u zarba nishoni bo‘lgan bo‘lishi mumkin.Foto: AP Photo
Qutqaruvchilar Shevchenko viloyatiga qilingan hujumdan keyingi vayronalarni qismlarga ajratmoqda. Ishga Ukraina Favqulodda vaziyatlar davlat xizmatining 86 xodimi va 9 ta texnikasi jalb qilingan.Foto: Reuters
Xarkov
Sapyorlar Xarkovga tunggi hujumdan keyin qolgan o‘rani tekshirmoqda. Xarkov viloyati ma’muriyati rahbari Oleg Sinegubovga ko‘ra, 26-iyunga o‘tar kechasi shaharda turar joy binosi va tibbiyot muassasasi o‘qqa tutilgan.Foto: Reuters
Turar joy binosi hovlisiga snaryad tushishi oqibatida hosil bo‘lgan o‘ra suv bilan to‘lgan. Xarkov viloyati rahbari Oleg Sinegubov viloyatda 4500 ta bino vayron bo‘lganini ma’lum qildi. Unga ko‘ra, shaharni o‘qqa tutish oqibatida 4019 ta turar joy binosi, 427 ta ta’lim muassasasi, 97 ta tibbiyot muassasasi, 62 ta madaniyat muassasasi va 12 ta sanoat korxonasi vayron qilingan.Foto: EPA
Donbass shimoli
“Azot” zavodi hududini tark etgan Severodonetsk aholisi LXR xalq militsiyasining hududiy mudofaa bataloni komandiriga qarab turibdi. Oxirgi ikki kun ichida “Azot”ni 450 kishi tark etdi, dedi LXR vakillari “TASS”ga. “Azot”da yana qancha odam qolgani aniq emas. 24-iyun kuni Lugansk viloyati rasmiylari Ukraina qo‘shinlariga Severodonetskni tark etishga buyruq berilgani haqida xabar qildi. Ertasi kuni Rossiya Mudofaa vazirligi shahar to‘liq egallab olinganini e’lon qildi.Foto: “TASS”
Favqulodda vaziyatlar xizmati xodimi Bahmutdagi frontga yaqin aholini evakuatsiya qilishdan oldin mashinasi oynasiga zirh ilmoqda. Avvalroq Lugansk viloyati rahbari Sergey Gayday Lisichansk—Baxmut avtomobil yo‘lidan o‘tib bo‘lmasligini, u butunlay o‘qqa tutilganini aytgan.Foto: Getty Images
Bahmut shahrida yashovchi erkak Rossiya askarlari tomonidan o‘qqa tutilgan uyini ko‘zdan kechirmoqda.Foto: AP Photo
Bahmut shahrida yashovchi 84 yoshli qariyaning uyini qo‘shnilari ta’mirlamoqda. Shu va yana bir qancha uylar 26-iyun kuni artilleriya o‘qlaridan zarar ko‘rgan. Otishma oqibatida bir kishi halok bo‘lgan.Foto: Getty Images
Bahmutda yashovchi kishi deraza tokchasiga vazadagi gullarni qo‘ymoqda.Foto: AP Photo
Izoh (0)