UFC. Shavkat Rahmonov tajribali raqibini taslim etdi, Umar Nurmagomedovda ham g‘alaba. Arman Sarukyan esa yutqazib qo‘ydi

AQShning Las-Vegas shahrida Toshkent vaqti bilan 26-iyun tongida UFC’ning navbatdagi musobaqani bo‘lib o‘tdi.

Kechaning asosiy jangi Mateush Gamrot va Arman Sarukyan o‘rtasida kechdi. Rossiyalik yakkakurashchi sezilarli zarbalar borasida katta ustunlikka erishdi, Gamrot esa teykdaunda faol bo‘ldi. Yakunda hakamlar polshalik sportchining g‘alabasini qayd etdi.

Yana bir asosiy janglardan biri O‘zbekistonda tug‘ilgan, hozirda Qozog‘iston sharafini himoya qilayotgan Shavkat Rahmonov ishtirokida kechdi. Rahmonov tajribali Nil Magnini ikkinchi raundda bo‘g‘ish usuli bilan taslim etdi.

Umar Nurmagomedov esa uch raund davom etgan jangda Neyt Manessni ochkolar hisobiga yutdi.

Qolgan natijalar bilan quyida tanishing:

Asosiy kard

• Mateush Gamrot ochkolar evaziga Arman Sarukyanni yengdi;
• Shavkat Rahmonov 2-raundda bo‘g‘ish usuli bilan Nil Magnini yutdi.
• Josh Parisyan 2-raundda Alan Baduni nokautga uchratdi;
• Tiago Moyzes 1-raundda sabmishen bilan Kristos Giagosni taslim etdi;
• Umar Nurmagomedov ochkolar evaziga Neyt Manessni yengdi;
• Kris Kyortis ochkolar evaziga Rodolfu Viyeyradan ustun keldi.

• Karlos Olberg 1-raunddagi texnik nokaut evaziga Tafon Nchukvini yengdi;
• Shayilan Nourdanbeke ochkolar evaziga Ti Jey Braunni yutdi;
• Sergey Morozov ochkolar bo‘yicha Raulian Peyvani mag‘lub etdi;
• Kodi Dyorden 1-raundda Jey Pi Baysni nokautga uchratdi;
• Mario Bautista 1-raundda sabmishen orqali Brayan Kelleherni taslim etdi;
• Vanessa Demopulos ochkolar evaziga Jin Yu Freyni yengdi.