АҚШнинг Лас-Вегас шаҳрида Тошкент вақти билан 26 июнь тонгида UFC’нинг навбатдаги мусобақани бўлиб ўтди.
Кечанинг асосий жанги Матеуш Гамрот ва Арман Сарукян ўртасида кечди. Россиялик яккакурашчи сезиларли зарбалар борасида катта устунликка эришди, Гамрот эса тейкдаунда фаол бўлди. Якунда ҳакамлар польшалик спортчининг ғалабасини қайд этди.
Яна бир асосий жанглардан бири Ўзбекистонда туғилган, ҳозирда Қозоғистон шарафини ҳимоя қилаётган Шавкат Раҳмонов иштирокида кечди. Раҳмонов тажрибали Нил Магнини иккинчи раундда бўғиш усули билан таслим этди.
Умар Нурмагомедов эса уч раунд давом этган жангда Нейт Манессни очколар ҳисобига ютди.
Қолган натижалар билан қуйида танишинг:
Асосий кард
- Матеуш Гамрот очколар эвазига Арман Сарукянни енгди;
- Шавкат Раҳмонов 2-раундда бўғиш усули билан Нил Магнини ютди.
- Жош Парисян 2-раундда Алан Бадуни нокаутга учратди;
- Тиаго Мойзес 1-раундда сабмишен билан Кристос Гиагосни таслим этди;
- Умар Нурмагомедов очколар эвазига Нейт Манессни енгди;
- Крис Кёртис очколар эвазига Родолфу Виейрадан устун келди.
- Карлос Олберг 1-раунддаги техник нокаут эвазига Тафон Нчуквини енгди;
- Шайилан Ноурданбеке очколар эвазига Ти Жей Браунни ютди;
- Сергей Морозов очколар бўйича Раулиан Пейвани мағлуб этди;
- Коди Дёрден 1-раундда Жей Пи Байсни нокаутга учратди;
- Марио Баутиста 1-раундда сабмишен орқали Брайан Келлеҳерни таслим этди;
- Ванесса Демопулос очколар эвазига Жин Ю Фрейни енгди.
Изоҳ (0)