“Chelsi” rahbariyati Tomas Tuxelga yozda 6 ta transfer amalga oshirishga va’da berdi

“Chelsi” yozda katta transferlarni rejalashtirmoqda.

Jamoa bosh murabbiyi Tomas Tuxel klub xo‘jayini va ayni vaqtda “aristokratlar” sport direktori vazifasini ham bajaruvchi Todd Boeli bilan uchrashuv o‘tkazdi. Rahbariyat Tuxelga yozda 6 ta transfer amalga oshirishni va’da qildi, deya xabar beradi The Telegraph.

Matteys de Ligt (“Yuventus”), Jyul Kunde (“Sevilya”), Rahim Sterling (“Manchester Siti”), Usmon Dembele (“Barselona”) va Risharlison (“Everton”) “Chelsi”ning qiziqishlar doirasiga kirgan.

Jamoaning yangi xo‘jayinlari yangi mavsumda londonliklar oldiga minimum Chempionlar Ligasiga chiqish vazifasini qo‘ygan.

Avvalroq “Chelsi” amerikalik milliarder Todd Boeli va Clearlake Capital konsorsiumi qo‘liga o‘tgani xabar qilingandi. Klubning avvalgi xo‘jayini Roman Abramovich 2003-yildan beri boshqaruvida bo‘lgan jamoani sotib yuborishga qaror qilgani ma’lum bo‘lgandi.