Professional boks bo‘yicha ikkinchi yarim yengil vazn (-55,34 kg) toifasida WBA va IBF kamarlari sohibi Murodjon Ahmadaliyev (11-0, 8 KO) Toshkent vaqti bilan 26-iyun tongida AQShda navbatdagi jangini o‘tkazdi.
O‘zbekiston vakiliga amerikalik Ronni Rios (33-4-0, 16 KO) raqib bo‘ldi. Bellashuvning dastlabki yarmi to‘liq Ahmadaliyevning ustunligida o‘tdi. 7-raundga kelib, Rios ham faollikni oshirdi.
12-raundda Murodjon ketma-ket zarbalardan keyin raqibini nokdaun holatiga tushirdi. Ikkinchi nokdaundan keyin hakam jangni to‘xtatib, o‘zbekistonlik bokschining g‘alabasini qayd etdi.
Shu tariqa Ahmadaliyev WBA va IBF kamarlari muvaffaqiyatli himoya qildi.
Izoh (0)