Buyuk Britaniya Jahon banki tomonidan kredit kafolati shaklida Ukrainaga beriladigan yordamni yana 429 million funt sterling (525 million dollar)ga oshirishga tayyor, deya ma’lum qildi bosh vazir Boris Jonsonning idorasi. Kiyevga iqtisodiy va gumanitar yordam hajmi 1,5 milliard funt sterlinggacha oshadi (jumladan 1,3 milliard funt sterling kredit kafolati). London, shuningdek, 1,3 milliard funt sterling hajmidagi harbiy yordamni ham ko‘rsatdi.
“Ukraina hukumati zudlik bilan moliyaviy yordam berilmasa, kuzgacha moliyaviy resurslari tugab qolishidan xavotirda. Bosim bilan kurashishga yordam berish uchun Buyuk Britaniya joriy yil oxirida Jahon banki kafolati sifatida yana 429 million funt sterling taklif qilishga tayyor”, — deyiladi Dauning-stritning G7 sammiti oldidan bergan bayonotida.
Jonson G7 sammitida ittifoqchilarni Ukrainaga yordamni davom ettirishga chaqirmoqchi. Uning fikricha, “G‘arbning Ukrainani qo‘llab-quvvatlash masalasida charchagani yoki qat’iyatsizligi haqidagi har qanday signal” Rossiyaning foydasiga bo‘ladi.
Avvalroq Buyuk Britaniya bosh vaziri Ukraina Rossiyaga yon berishga majbur bo‘lishidan xavotirdaligini ma’lum qilgan edi. Jonsonning fikricha, Rossiyaning g‘alabasi “iqtisodiy falokat” bo‘ladi.
Izoh (0)