“O‘zyo‘linspeksiya” tomonidan yanvar—may oylarida davomida yo‘l qurilishi obyektlari hamda yo‘l-qurilish materiallari, buyumlari va konstruksiyalarini ishlab chiqarishda texnik jihatdan tartibga solishga oid normativ hujjatlar talablariga rioya etilishini nazorat qilish yo‘nalishida 2334 ta obyektda nazorat ishlari o‘tkazilgan. Bu haqda AOKAda o‘tkazilgan brifingda “O‘zyo‘linspeksiya” boshqarma boshlig‘i Dilshod Oxunjonov ma’lum qildi.
Natijada 3 990 ta qoida buzilish holatlari aniqlanib, ularni bartaraf etish bo‘yicha buyurtmachi, pudratchi, loyihachi va saqlovchi tashkilotlarning mas’ul xodimlariga 2481 ta bajarilishi majburiy bo‘lgan ko‘rsatmalar berilgan..
Sun’iy inshootlar, ya’ni ko‘priklar va yo‘l o‘tkazgichlar monitoringi natijalari bo‘yicha jami 80 ta obyektda nazorat ishlari o‘tkazilgan. Ularning 9 tasi qurilish, 45 tasi – rekonstruksiya, 25 tasi – mukammal va 1 tasi – joriy ta’mirlash obyektlari hisoblanadi. Nazorat tadbirlari natijasida aniqlangan 212 ta qoidabuzilishlarni bartaraf etish bo‘yicha belgilangan qat’iy choralar ko‘rilgan.
2022-yilning 5 oyi davomida avtomobil yo‘llari foydalanuvchilaridan kelib tushgan 67 ta murojaat joyiga chiqib o‘rganilgan va natijasi bo‘yicha quyidagilar amalga oshirilgan:
- 31 ta murojaat bo‘yicha aniqlangan kamchiliklarni bartaraf etish bo‘yicha tegishli ko‘rsatmalar berilgan. Ko‘rsatma talablarini muddatida bartaraf etmagan 3 ta holat yuzasidan mansabdor shaxslarga nisbatan tegishli choralar qo‘llash bo‘yicha ma’muriy bayonnoma rasmiylashtirilgan;
- 7 ta holat bo‘yicha 468 million 69 ming so‘mlik sifatsiz bajarilgan qurilish-montaj ishlarini hisobdan chiqarish bo‘yicha buyurtmachilarga talabnoma kiritilgan. Aniqlik kiritadigan bo‘lsak, shuncha miqdordagi pul – ishlar sifatsiz bajarilgani bois, to‘lab berilmaydi.
Bundan oldin, O‘zbekistonda 4 oyda yo‘l qurilishi sohasida 3 mingdan ortiq qonunbuzarlik holati aniqlangani to‘g‘risida xabar berilgandi.
Izoh (0)