«Ўзйўлинспекция» томонидан январь—май ойларида давомида йўл қурилиши объектлари ҳамда йўл-қурилиш материаллари, буюмлари ва конструкцияларини ишлаб чиқаришда техник жиҳатдан тартибга солишга оид норматив ҳужжатлар талабларига риоя этилишини назорат қилиш йўналишида 2334 та объектда назорат ишлари ўтказилган. Бу ҳақда АОКАда ўтказилган брифингда «Ўзйўлинспекция» бошқарма бошлиғи Дилшод Охунжонов маълум қилди.
Натижада 3 990 та қоида бузилиш ҳолатлари аниқланиб, уларни бартараф этиш бўйича буюртмачи, пудратчи, лойиҳачи ва сақловчи ташкилотларнинг масъул ходимларига 2481 та бажарилиши мажбурий бўлган кўрсатмалар берилган..
Сунъий иншоотлар, яъни кўприклар ва йўл ўтказгичлар мониторинги натижалари бўйича жами 80 та объектда назорат ишлари ўтказилган. Уларнинг 9 таси қурилиш, 45 таси – реконструкция, 25 таси – мукаммал ва 1 таси – жорий таъмирлаш объектлари ҳисобланади. Назорат тадбирлари натижасида аниқланган 212 та қоидабузилишларни бартараф этиш бўйича белгиланган қатъий чоралар кўрилган.
2022 йилнинг 5 ойи давомида автомобиль йўллари фойдаланувчиларидан келиб тушган 67 та мурожаат жойига чиқиб ўрганилган ва натижаси бўйича қуйидагилар амалга оширилган:
- 31 та мурожаат бўйича аниқланган камчиликларни бартараф этиш бўйича тегишли кўрсатмалар берилган. Кўрсатма талабларини муддатида бартараф этмаган 3 та ҳолат юзасидан мансабдор шахсларга нисбатан тегишли чоралар қўллаш бўйича маъмурий баённома расмийлаштирилган;
- 7 та ҳолат бўйича 468 миллион 69 минг сўмлик сифатсиз бажарилган қурилиш-монтаж ишларини ҳисобдан чиқариш бўйича буюртмачиларга талабнома киритилган. Аниқлик киритадиган бўлсак, шунча миқдордаги пул – ишлар сифатсиз бажарилгани боис, тўлаб берилмайди.
Бундан олдин, Ўзбекистонда 4 ойда йўл қурилиши соҳасида 3 мингдан ортиқ қонунбузарлик ҳолати аниқлангани тўғрисида хабар берилганди.
Изоҳ (0)