Rossiya hamda Xitoy kemalari guruhining Yaponiya sohillari yaqinida suzib o‘tishi xavotirlarni kuchaytirmoqda. Bu haqda mamlakat mudofaa vaziri Nobuo Kisi o‘z mulohazalarini bildirib o‘tdi.
“Kisi Rossiya va Xitoyning jami 10 ta kemasi Yaponiya atrofida manyovrlar amalga oshirgani, qisqa vaqt ichida deyarli bir xil yo‘nalish hamda oraliqda harakatlanganidan xavotirda ekanligini ma’lum qildi”, – deb yozmoqda “Mayniti” nashri.
Vazir Rossiya harbiy dengiz flotining beshta kemasi Tinch okeanida Xokkaydo orolidan janubga tomon suzgani, keyin Susim bo‘g‘ozi orqali Yapon dengiziga chiqqanini tasdiqlagan. U Xitoyning uchta kemasi ham xuddi shunday yo‘nalish bo‘yicha harakatlanganiga e’tibor qaratgan.
Nobuo Kisi mazkur harakatlar “mamlakat qudratini namoyish qilish” ekanligini ta’kidlab, bu kelajak uchun xavotirli holatligini qayd etgan.
Bundan tashqari Yaponiya mudofaa vaziri 21 – 22-iyun kunlari Xitoyning oltita kemasi Okinava prefekturasi yaqinidan o‘tgani, keyin Sharqiy-Xitoy dengizi orqali Tinch okeaniga yo‘l olganini xabar qilgan.
Shuningdek, vazir Tokio Xitoyning Tayvanda havodan himoyani qayd etish hududidan bir tomonlama tartibda 29 ta samolyotini uchirib o‘tkazganini diqqat bilan kuzatib turganligini bayon etgan.
Avvalroq
Bir hafta avval Rossiya kemalari Xokkaydo prefekturasining burchak qismi hisoblangan Erimoga yaqin kelgan. Keyinchalik janubga Idzu orollari tomon yo‘l olgan.
Izoh (0)