Qashqadaryo viloyati Qamashi tumanida magistral ichimlik suvi quvuriga o‘zboshimchalik bilan ulanish holati fosh etildi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Qamashi tuman bo‘limi tomonidan tergovga qadar tekshirish o‘tkazilgan. Unda “C.B.S” MCHJ rahbari I.B. “Sovsantepa” MFY hududidagi MCHJga qarashli issiqxonani Shahrisabz—Qarshi magistral ichimlik suvi quvuriga noqonuniy ulagani aniqlangan. U 237.5 million so‘mlik ichimlik suvini sarflab, Qashqadaryo suv ta’minoti MCHJ manfaatlariga juda ko‘p miqdorda zarar yetkazgan.
Holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Samarqandda fuqaro tabiiy gaz tarmog‘iga noqonuniy ulanib 3,5 milliard so‘m zarar yetkazgani aniqlandi
- O‘zbekistonda elektr va gaz tarmog‘iga o‘zboshimchalik bilan ulanib, bir necha yuz mln so‘m zarar yetkazganlarga jinoyat ishi qo‘zg‘atildi
- Toshkent va Farg‘ona viloyatlarida gaz va elektrdan noqonuniy foydalanib, 64 mln so‘m zarar yetkazgan fuqarolar aniqlandi
Izoh (0)