Toshkentdan Ufaga Usmon Qur’oni nusxasi beriladi. Bu haqda “Bashinform”ga tayanib “Azon.uz” xabar qildi.
Ma’lum qilinishicha, qadimiy Qur’onni topshirish bo‘yicha muzokaralar bosh vazirning birinchi o‘rinbosari Azat Badranov bilan O‘zbekiston musulmonlari diniy idorasi vakillari o‘rtasida bo‘lib o‘tgan. Kufiy xatda yozilgan Qur’oni karimning bugungi kungacha yetib kelgan eng qadimiy qo‘lyozmasi Toshkentdagi Mo‘yi Muborak madrasasida saqlanmoqda. Kelishuvga ko‘ra, xattot Habibulloh Solih Usmon Qur’oni nusxasini qo‘lda ko‘chirib beradi.
1918-yil boshida Usmon Qur’oni Butunrossiya musulmonlar kengashiga topshirilgan va Ufaga olib kelingan, u yerda 1923-yilgacha saqlangan. Musulmon ruhoniylarining qurultoyi qaroriga binoan 1923-yil avgustda u Toshkentga olib kelingan.
Izoh (0)