Chikagoda politsiya xodimlariga kichik huquqbuzarlik sodir etganlarni piyoda ta’qib qilish taqiqlandi

Chikago politsiya departamenti gumonlanuvchini ta’qib qilishning yangi qoidalarini tasdiqladi. Endi huquq-tartibot vakillari gumonlanuvchini piyoda ta’qib qilmaydi, deya xabar bermoqda AP.

Qoidalarga o‘zgartirishlar kiritilishiga chikagolik politsiyachilar tomonidan 13 yoshli Adama Toledo hamda 22 yoshli Entoni Alvaresning otib o‘ldirilgani sabab bo‘ldi. 2021-yil mart oyida Toledo chaqiruvga yetib kelgan politsiya zobitidan qochgan va yo‘l-yo‘lakay qo‘lidagi to‘pponchani to‘siq ortiga otishga uringan. O‘smir qurolni tashlaganidan bir necha soniya o‘tgach, qo‘llarini ko‘tarib taslim bo‘lgan, biroq uning qurolsizligidan bexabar politsiyachilar gumondorni otib tashlagan. Ikki kun o‘tgach deyarli xuddi shunday vaziyatda shaharning boshqa bir hududida Alvares halok bo‘lgan.

Yangi qoidalarga ko‘ra, politsiyachilar nisbatan yengil jinoyatda gumon qilinayotganlarni piyoda ta’qib qilmaydi. Yengilroq qoidabuzarliklar sirasiga haydovchilik guvohnomasisiz avtomobil boshqarish, jamoat joyida mast holda politsiyaga bo‘ysunmaslik va mashinani parkovka qilishdagi muammolar kiradi.

Ammo politsiyaning yangi nizomi prinsiplari mavhumroq. Politsiyachilar agar gumonlanuvchining harakatlari ofitserning hayoti, jamoatchilik yoki subyektni xavf ostida qoldiradigan bo‘lsa, uni hibsga olish uchun quvg‘inni boshlamasligi mumkin. Politsiyachilar gumonlanuvchini qo‘lga olishga ishonch kuchli bo‘lgan vaqtda, u quvg‘in vaqtida atrofga, odamlarga xavf tug‘dirmasa, u holda ta’qibni boshlash huquqiga ega.