Iqtisodiy tadqiqotlar va islohotlar markazi O‘zbekistonning Ozarbayjon bilan tashqi savdosi ko‘rsatkichlarini, shu jumladan, 2021-yil va 2022-yil yanvar—may oylari uchun tovar toifalari bo‘yicha eksport va import hajmini aks ettiruvchi infografikani tayyorladi.
Qayd etilishicha, O‘zbekiston 2021-yilda dunyoning 182 davlati bilan savdo aloqalarini amalga oshirgan. Umumiy savdo aylanmasida Ozarbayjonning ulushi 0,3 foizni, jami eksportda 0,5 foizni, jami importda 0,2 foizni tashkil etgan. Ozarbayjon O‘zbekiston bilan ijobiy savdo balansiga ega bo‘lgan kam sonli davlatlardan biri hisoblanadi. 2021-yilda bu ko‘rsatkich Ozarbayjon bilan 33 million dollarni tashkil qilgan. Shu yili ikki davlat o‘rtasidagi o‘zaro tovar ayirboshlash hajmi 118,9 million dollarni ko‘rsatgan. Bu 2020-yilga nisbatan 35,1 million dollarga ko‘p.
- sanoat mahsulotlari – 34,7 million dollar;
- mashina va uskunalar – 20,1 million dollar;
- oziq-ovqat mahsulotlari – 10,4 million dollar;
- tayyor mahsulotlar – 3,1 million dollar;
- kimyo mahsulotlari – 1,2 million dollar;
- xizmatlar – 2,4 million dollar.
- nooziq-ovqat xomashyosi (yoqilg‘idan tashqari) – 12,8 million dollar;
- kimyo mahsulotlari – 8,0 million dollar;
- yoqilg‘i, moylash moylari va shunga o‘xshash mahsulotlar – 7,9 million dollar;
- sanoat mahsulotlari – 7,4 million dollar;
- oziq-ovqat, ichimliklar va tamaki mahsulotlari - 5,6 million dollar;
- xizmatlar - 0,8 million dollar.
2022-yilning yanvar—may oylarida O‘zbekiston va Ozarbayjon o‘rtasidagi tovar ayirboshlash hajmi o‘tgan yilning shu davriga nisbatan 49,1 foizga o‘sgan va 66,4 mln dollarni tashkil etgan. Shundan:
- eksport — 48,1 million dollar (o‘sish 70,7 foiz);
- import — 18,3 million dollar (o‘sish 11,9 foiz)
Eslatib o‘tamiz, Shavkat Mirziyoyev taklifiga binoan Ozarbayjon prezidenti Ilhom Aliyev 21-iyun kuni davlat tashrifi bilan O‘zbekistonga keldi. Tashrif arafasida Investitsiyalar va tashqi savdo vazirligi va Savdo-sanoat palatasi tomonidan Ozarbayjon Iqtisodiyot vazirligi hamda Eksport va investitsiyalarni rag‘batlantirish agentligi bilan hamkorlikda tashkil qilingan O‘zbekiston-Ozarbayjon biznes-forumi bo‘lib o‘tdi. Unda qiymati 500 mln dollardan ortiq qo‘shma loyiha va savdo shartnomalari imzolandi.
Izoh (0)