Иқтисодий тадқиқотлар ва ислоҳотлар маркази Ўзбекистоннинг Озарбайжон билан ташқи савдоси кўрсаткичларини, шу жумладан, 2021 йил ва 2022 йил январь—май ойлари учун товар тоифалари бўйича экспорт ва импорт ҳажмини акс эттирувчи инфографикани тайёрлади.
Қайд этилишича, Ўзбекистон 2021 йилда дунёнинг 182 давлати билан савдо алоқаларини амалга оширган. Умумий савдо айланмасида Озарбайжоннинг улуши 0,3 фоизни, жами экспортда 0,5 фоизни, жами импортда 0,2 фоизни ташкил этган. Озарбайжон Ўзбекистон билан ижобий савдо балансига эга бўлган кам сонли давлатлардан бири ҳисобланади. 2021 йилда бу кўрсаткич Озарбайжон билан 33 миллион долларни ташкил қилган. Шу йили икки давлат ўртасидаги ўзаро товар айирбошлаш ҳажми 118,9 миллион долларни кўрсатган. Бу 2020 йилга нисбатан 35,1 миллион долларга кўп.
- саноат маҳсулотлари – 34,7 миллион доллар;
- машина ва ускуналар – 20,1 миллион доллар;
- озиқ-овқат маҳсулотлари – 10,4 миллион доллар;
- тайёр маҳсулотлар – 3,1 миллион доллар;
- кимё маҳсулотлари – 1,2 миллион доллар;
- хизматлар – 2,4 миллион доллар.
- ноозиқ-овқат хом ашёси (ёқилғидан ташқари) – 12,8 миллион доллар;
- кимё маҳсулотлари – 8,0 миллион доллар;
- ёқилғи, мойлаш мойлари ва шунга ўхшаш маҳсулотлар – 7,9 миллион доллар;
- саноат маҳсулотлари – 7,4 миллион доллар;
- озиқ-овқат, ичимликлар ва тамаки маҳсулотлари - 5,6 миллион доллар;
- хизматлар - 0,8 миллион доллар.
2022 йилнинг январь—май ойларида Ўзбекистон ва Озарбайжон ўртасидаги товар айирбошлаш ҳажми ўтган йилнинг шу даврига нисбатан 49,1 фоизга ўсган ва 66,4 млн долларни ташкил этган. Шундан:
- экспорт — 48,1 миллион доллар (ўсиш 70,7 фоиз);
- импорт — 18,3 миллион доллар (ўсиш 11,9 фоиз)
Эслатиб ўтамиз, Шавкат Мирзиёев таклифига биноан Озарбайжон президенти Илҳом Алиев 21 июнь куни давлат ташрифи билан Ўзбекистонга келди. Ташриф арафасида Инвестициялар ва ташқи савдо вазирлиги ва Савдо-саноат палатаси томонидан Озарбайжон Иқтисодиёт вазирлиги ҳамда Экспорт ва инвестицияларни рағбатлантириш агентлиги билан ҳамкорликда ташкил қилинган Ўзбекистон-Озарбайжон бизнес-форуми бўлиб ўтди. Унда қиймати 500 млн доллардан ортиқ қўшма лойиҳа ва савдо шартномалари имзоланди.
Изоҳ (0)